bedankt low

Bart         Stevie I          Randy

BP Jeugdtrio 2018

foto jeug trio

Sander     Lino I     Martijn   

Vastelaovesvriedig in 't Witte Hoés met Beppie Kraft

Veur de elfde keer äöpene de Beerpiëp en de sjtichting VAT ’t vastelaovesweekend in ‘t Witte Hoés op vriedig met ‘t Veurpreuversbal. Ein ónvervals jubileum dus!
Intösse is ‘t de finale van ‘n daagvullend program woë-in alle generasies aan eur trekke kómme.

Te beginne met de seniorezitting van 12.30 wies 14.30 oor. Daonao waere vanaaf 15.30 uur alle jónge hoëghede van Tegele, Steyl en de Hei nao baove gehaold en veurgesjteld aan ‘t publiek op ’t tiënde Groët Tegels Jeugprinsetreffe. Alle prinskes, prinsesse, boérebroédspare en Duuvelkes vur-einen-daag waere den öm beurte same met de jónge gangmaekers van de offisjele vastelaovesvereiniginge in de sjiénwerpers gezatte op de groëte buun.

Vanaaf 20.00 oor geit ’t program wiér met ‘t Veurpreuversbal, met meziek van de DJ’s Jeroen en Sander - dit jaor adjudant beej de Beerpiëpjeug - joekskepelle, de band Sjloetingstied en as oétsjmiéter ‘n optraeje van nemes minder as Beppie Kraft. De toegang is gratis. Bezeukers jónger as 18 jaar kenne wies 21.30 oor nao binne.

Sjloetingstied

Vur de seniorezitting wuuert ‘nne besjeie entreepriés gevraog. Vur 3 euro baeje de sjtichting VAT en De Beerpiëp same met Tzorg twië eurkes topamusement, met optraejes van Trio de Janeiro, Sylvia Ramakers (buut), Gé Deenen, Bart & Karen en Joekskoeer Toujours.

De senioremiddig is vour alle 50-plussers die van vastelaovend haaje. Kaarten koste 3 euro in de veurverkoup en 4 euro aan de daagkassa. Verkouppunte zien de Readshop in de Centrumpassage en Plus

Aktiviteite Vastelaovend 2018