Vastelaoveskrant ‘t Piepke hoés-aan-hoés
Niej in ós programma is ’t Lempkesbal op vastelaovesmaondig in ’t Witte Hoés, georganiseerd in samewerking met De Boekaniers, joekskepèl Petatte Nelke en de sjtichting VAT. Niej zien ouch ós dansmeriekes, die weej gruëts aan uch veursjtelle.
Wae wuuert de 52ste Beerpiëp prins ?
Me zaet waal ens: “dae haet ein pan aaf!” Zoeë as ge zeet hebbe dees dreej hieëre letterlik ein pan van ’t daak gehaold. Of zeej achter die pan mèt ein sjtaon te moele det weite weej neet. Zól ’t waal zoeë zien, en die kans is groeët, mak eur det waal echte ‘pannekletsters’. Zeej zien in idder geval razend enthousias öm zich aan uch veur te kenne gaon sjtelle.
De manne zien de aoves al aan ’t sjtaoke, zoeë det d’r dalik eine flinke veurraod panne klaor lig. En det zal waal nudig zien. Want gluif maar, dees hieëre gaon nao eur oetrope de panne van ’t daak van d’n Haandert laote vlege. As ieërste gangmakers waere zeej op 2 februari oetgerope en neme daormèt ’t veurtouw in d’n Tegelse vastelaovend. Netuurlik zal det oetkómme op ein sjpectaculaire wies gebeure. Ge wilt daor zeker getuge van zien. We haope uch den ouch te meuge begroete op ós viefde Cambrinusbal. Same mèt uch geit ’t nieje trio d’r den ein top fieësje van make.
Tegels liedje "As morge wuërt wie gister"
De muziekkemmissie van de Samewerkende Tegelse Vastelaovesgezelsjappe (S.T.V.) is nao ’t aafgelaste van ’t Tegels liedjesmatinee in 2017 eine niej-je waeg ingesjlaage.
Vanaaf dit jaor zal d’r namelik idders kiër éin nie-j nummer gepresenteerd waere, zoëdet de kultuur van de plaatselikke vastelaovesliedjes in sjtand euvereind blief. Op verzeuk van de vurneumde kemmissie haet Sandor Stürbl (bekend van de musikal “Peter Pan”) ein teks gesjreeve. Dave Ververgaard en Dave Detillon hebbe same met Stürbl de muziek d’rbeej gemak. ’t Niej-je liedje “As morge wuërdt wie gister” is vanaaf nôw te downloode van de sites van de S.T.V.-vereiniginge D’n Oeles, De Kaetelaers, De Boereraod en De Beerpiép. Dit nummer is taeves te beluustere via de Facebook-pagina’s van dees gezelsjappe.
“As morge wuërdt wie gister” is gezônge door ’t gelaegenheidstrio “Noëts op tiéd”, besjtaonde oét Sandor Stürbl, Dave Detillon en Marinho Peters. De sjlager is opgenaome beej de Tegelse Klank Studio.
Downloaden
Naam
Afspelen
Duur
As morge wuuerd wie gister
2:55 min
