BP Trio 2018

bedankt low

Bart         Stevie I          Randy

Evenemente

BP Jeugdtrio 2018

foto jeug trio

Sander     Lino I     Martijn   

Stevie Haazen nieje Beerpiëpprins

Trio poster Beerpiep 2018.1

 Met ’n geweldige leech- en geluudshow is op ’t jaorlikse Cambrinusbal ’t nieje Beepiëp Trio veurgejsteld aan ‘nne bómvolle Haandert. Det de nieje prins Stevie I dao zelf de hangk in had, zal nemes verbaze. Leech, geluud en electro is zien beroep én hobby.

 

Stevie HaazenPrins: Stevie I (Haazen)

Stevie Haazen (29) verzörg beej versjillende evenemente in Tegele en Steyl, en de wiéje umtrek, zoewaal tiedes de vastelaovend as boéte ‘t sezoen ’t leech en geluud en is daodoor ouch beej ós zöstervereiniginge genne onbekinde.

Daonaevebeej is hae electriciën en ouch nag deejay, bekind ónger de naam DJ Stevie.

Same met zien vriendin Noël Trines geit hae regelmaotig nao concerte en op vekansie. De 51 ste hoëgheid van de Beerpiëp is as Cambrinuslid al verbónge aan ós vereiniging en ouch nag lid van de Kaetelaers oét Steyl.

Hae woënt same met Noël oppe Van Kleefsjtraot in Tegele.

 

 

 

 

 

Randy TrinesAdjudant: Randy (Trines)

Zoe-wie ziene achternaam al verraojt, is Randy (29) ein broor van de prins zien vriendin. Hae werk as  service- monteur beej de technische deens van de firma Oerlikon Eldim, gesjpesjaliseerd in ‘t make van óngerdeile vur gaasturbines van vleegtuugmotore.

In ziene vreeje tied duit hae gaer klusse en verbouwe, biljarte beej kefee Coeba en same met zien vrinde ein pilske (of twieë) drinke.

In 2012 is Randy sjpaarkasprins gewaes van kefee Coeba, ós residensie

Same met zien vriendin Lieke Janssen woént hae oppe Remundsewaeg in Tegele.

 

 

 

 

  

 Bart RijversAdjudant: Bart (Rijvers)

Adjudant Bart (30) is 'nne gójje kammeraod van Stevie. Zeej kenne mekaar al van kleins aaf aan.

In ‘t dageliks laeve is Bart logistiek teamleider beej Janssen Distribution Services. In ziene vreeje tiéd is hae erg sjportief. Naeve fitness, hardloupe en mountainbike
flöt hae wedjstriéde beej TSC’04.

Ouch Bart is al ens sjpaarkasprins gewaes beej Coeba, in 2014.

Hae woént same met zien maedje Mandy van den Winkel oppe Acaciasjtraot in Tegele.

 

 

 

 

 

 

Zeej gaon veurop in de vastelaovend onger ut motto:

Met geluud op volle krach en de heng in de luch, viere weej de vastelaovend met uch !

 

trio en partner

 

                                                                        

Stevie-Licht-Geluid-Electro
Theewen
Kantoorartikelen
rijvers