BP Trio 2018

bedankt low

Bart         Stevie I          Randy

BP Jeugdtrio 2018

foto jeug trio

Sander     Lino I     Martijn   

Lino Fokkens jeugprins van de Beerpiëp

Poster Jeug Trio Beerpiep 2018.1

 

foto prinsPrins: Lino I (Fokkens)

Lino I (Fokkens) geit dit jaor veurop beej de Beerpiëpjeug. Lino is 16 jaor en in zien dagelikse laeve lierling op ’t Gilde.

As zoon van Peter en Jolanda kent hae ’t klappe van de vastelaoveszjweep. Ziene pap waas Beerpiëp prins in 2008. As menke van zes makde hae det van dichbeej mei en kreeg toen ouch ’n eige sjtaekske en scepterke.

Vief jaor later waas ’t al get serieuzer wie hae prins in de Gulickhal woort. Det vastelaoveszäödje had zich in ‘m vasgebete. Nów, wir vief jaor later en precies tien jaor nao ziene pap, is hae dus zelf Beerpiëp Jeugprins 2018.

Same mèt zien elders en zus Fenne zal det duchtig gevierd gaon waere op de Hoornbloem in ’t Maasveld.

 

 

 

 

 

foto SanderAdjudant: Sander (Hovens)

Adjudant Sander (Hovens) van 17, is ouch genne onbekende in de (Tegelse) vastelaoveswaereld. As zoon van Coen, d’n insigste sigaremaker in Tegele, en Jolanda, dreijt hae as DJ Sander minnige kiere plaetjes op vastelaoves activiteite.

Ziene pap waas in 2008 adjudant van Peter, de jeugprins zien vader. Ondanks zien functie as Gardist beej Jocus Toekóms (!) haet hae toch volmondig jao gezag öm ziene kammeraod Lino deze vastelaovend in Tegele te vergezelle as adjudant.

Ouch Sander is lierling op ’t Gilde. Same mèt zien pap en mam en broor Ryan woënt hae oppe Gashoëssjtraot.

 

 

 

 

  

 foto MartijnAdjudant: Martijn (Keetels)

Adjudant Martijn (Keetels), dae twieë daag nao ’t oetkomme 18 wuuert, haet de sjtap vanoet Tegele-Noord-Noord, of zoeë as ze daor lever zegge Venlo-Zuud, gezatte öm mèt te make wat ’t is öm heej vastelaovend te viere.

Hae is dus ‘ne echte Venlose jong, maar det vergit hae dees daag efkes. Same met ziene pap Ben en mam Marlie, en zus Susanne, woeënt hae oppe Laepelaersjtraot in Venlo. Daor zal nów dus ein greun/witte vlag hange tösse alle Jocus kleure.

Martijn zit op praktijksjoeël Wildveld, hae löp stage, maar werk ouch, beej theater De Maaspoort. Netuurlik is hae dees daag veurzeen van alle Tegelse waordebeuk die ’t guuf, al is ’t maar ter inzage.

 

 

 

 

 

 

Dees dreej jónges hebbe gemein det ze allemaol handbal as sjport hebbe. Ouch nag allemaol in de kleur blauw. Allein sjpeult Lino in Tegele beej HV Eksplosion ’71 en Sander en Martijn beej HandbaL Venlo. Ze ontmoete elkaar dus ouch waal ens as taegesjtander op ’t sjpeulveld. Verder deile zeej de leefde vur muziek en ’t chille mèt eur kammeräöj. En det letste kenne die wies in de late eurkes. Daoröm hebbe zeej as motto:

“Fieëste en knalle wies ’t letste oor?
Laot maar kómme, want weej gaon altied door!”

                                                                        

Agrolingua1
in2solutions1
Schraven1
vakgarage1
MoorenEvents1
Friessen1
Hypotheekshop1
Shotjesbar1
lamberts1