Wij gebruiken cookies om er voor te zorgen dat onze website zo goed mogelijk functioneert.

Als u de browser instellingen niet wijzigd, gaan wij er vanuit dat u hier mee instemt.

Ik ga akkoord

BP Trio 2018

bedankt low

Bart         Stevie I          Randy

 

kerstafbeelding2019

BP Jeugdtrio 2018

foto jeug trio

Sander     Lino I     Martijn   

Wisseling van de wach en vuúl hölde

Tiedes de interne sezoensäöpening van Vastelaovesgezelsjap De Beerpiëp haet Vors Bart Schouwenberg zien funksie euvergedrage aan Stevie Haazen, de prins van 2018. Hae geit de titel Vors Cambrinus VII drage.
D’r waas nag ‘n wisseling van de wach. Marcel Wijnhoven, aafgetraoje as raodslid, woort as Chef du Protocol opgevolg door Patrick Stultiens. Marcel is ouch ein van de zes jubilarisse van dit jaor.

Same met Hans Beurskens, Erwin Vesseur en Peter Verbeek woort hae gehöldig vanwaege ‘t 11-jäörig lidmaatsjap. Beejein opgeteld zien zeej net zoe lang aangesjlaote beej de Beerpiëp as Jan Jacobs gans allein. Jan kreeg oét heng van veurzitter Leon van Deur de versiersele die huëre beej ‘t 4x11-jäörig lidmaatsjap en woort metpersant beneump toet Iërelid.

jubilarissen11

Twan Driessen, 3x11 jaor lid, kós um gezóngkheidsraejene jaomer genóg neet aanwezig zien. Alle jubilarisse woorte ouch nag gehöldig door ’n delegasie van ’t BCL-besjteur. In alle toesjpraoke waas aandach vur eure groëte sjtaot van deens. Ouch in de nieje oétgaaf van ‘t Piepke zal dao oétgebreid op truuk waere gekómme.
Daonaevebeej zien Stan Trossel, Dean Vos en Paul van den Asselt toegetraoje toet de Raod van 11. Jordy Verhalle woort same met de adjudante van dit jaor, Randy Trines en Bart Rijvers, geïnsjtalleerd as aspirant-raodslid.

fred

 

Op ’t lets van ’t offisjele program waas d’r nag ’n bezónger moment vur Fred Keijsers, dae vur ziene enorme inzet op tal van fronte woort beloënd met de beneuming toet Lid van Verdeenste. Fred is al jaorelangk de driévende krach achter de kemmissie die idder jaor ’t Piepke samesjtelt. Hae is veurzitter en besjteurslid gewaes, had ’n belangriéke rol in ’t verangeringsproces det de vereiniging nao de millenniumwisseling haet doorgemak en waas en is nag altiéd insjatiefnimmer van en betrokke beej vuúl nieje inisjatieve.

 

 

 

 

 

 

   

 

Ein hiel bezónger moment waas ouch de insjtallasie van twië dansmerietjes. De twiëlingzuskes Shawnee en Cheyenne Hermans zien in sjitterende greunwitte pekskes gesjtaoke en zulle dees rol vanaaf dit sezoen invölling gaeve.

 

 dansmarietjes

Bekiek heej de euverige foto's van de interne äöpeningäöpening

 Correspondentieadres:       Aangesjloate beej 
        BCL
Stationsstraat 2A   Privacy Verklaring  
5935 RA Steijl   Protocol gebruik beeldmateriaal, website en social media
T: 077-3733163       
E: info@debeerpiep.nl   © V.G. De Beerpiëp 2018