Cambrinusbal met oétrope Beerpiëptrio en oétreiking Pannekletser

cambrinus logo beerpiep ontwerp 2019

Met ’t Cambrinusbal geit vastelaovesgezelsjap De Beerpiëp zoe-wie idder jaor veur-op in de aanloup nao vastelaovend.

De viéfde edisie is op zaoterdig 2 februari in d’n Haandert en äöpent al vruúg in d’n aovend met de oétreiking van de 39ste Pannekletser aan Sjaak Smetsers.

Hae kriég de hoëgste óngersjei-ing van ós vereiniging vanwaege ziene inzet vur de Tegelse kultuur en ’t behaad daovan.

Deze in Venlo gebaore kunstenaer, dae ’n eige galerie haet aan de Groëtesjtraot, is veurzitter van de sjtichting Tegula Cultura en daonaeve mei-oprichter en aad-besjteurslid van Tegele.NL, de sjtichting die in 2017 de festiviteite organiseerde woë-mei gevierd woort det Tegele 200 jaor beej Nederland huúrde. 

pannekletser 
BjornMieke 

Nao de aansjloétende resepsie vur de laureaat en zien vrouw volg de prizzentasie van de 52ste Beerpiëpprins en zien adjudante, ’t twiëde hoëgtepunt van deze aovend.

Veur en nao ’t oetrope wuúrt ’t publiek in de theaterzaal geammezeerd met meziék van DJ Sander en optraejes van Bjorn en Mieke, joekskepèl Petatte Nelke en fiësband Pats!
De oétreiking van de Pannekletser is um 18.30 oor, ’t is dus raodzaam öm op tiéd in de zaal te zien. De toegang is wie altiéd gratis en vur niks! 

   

pats