Wij gebruiken cookies om er voor te zorgen dat onze website zo goed mogelijk functioneert.

Als u de browser instellingen niet wijzigd, gaan wij er vanuit dat u hier mee instemt.

Ik ga akkoord
  • Trio0
  • Trio1
  • Trio2
  • trio3
  • Trio4

BP Trio 2019

trioklein

John       Danny I      Mark

Evenemente

BP Jeugtrio 2019

jeugtrioklein

Juul      Luc I      Luuk

Danny Leenders 52ste Beerpiëpprins

 Danny Leenders (33) is op ’t Cambrinusbal in d’n Haandert oétgerope toet 52ste prins van vastelaovesgezelsjap De Beerpiëp. Naeve um sjtaon zien adjudante John Janssen (35) en Mark van Hees (34). Zeej zien ’t iérste prinselik trio van de körsverse Vors Cambrinus VII  Stevie Haazen.

prinsuitklein

Prins Danny I (3x11 jaor) is de opvolger van Stevie Haazen, dae de funksie van Vors op zich haet genaome.

De nieje hoëgheid van de Beerpiëp geit wie de brangkwaer! Letterlik, want dao verdeent hae de kos. Danny I woënt same met zien vrouw Dewi en eur kinger Noah (7) en Liam (5) oppe Lisdodde in ’t Maasveld. De prins haet óndanks ziene jónge laeftied al hiel get jäörkes buunervaring. Hae moch in 2006 vur ’t iérs de scepter zjweije beej ’t Tremke en ging dees allewiels opgeheve Venlose vastelaovesvereiniging vervolges zes jaor lang veur as Vors. Daonaeve waas Danny zes jaor lang prizzentator op de Boétegewoeëne Boétezitting en praot hae sins veer jaor Ut Sambal op vastelaoveszóndig in ’t Witte Hoés aanein.

De Beerpiëpprins verdeilt ziene vreeje tiéd vaerder tösse de vreejwillige brangkwaer Venlo, ’t Comité Kingerfiëste en de Sjtichting Kingervekansiewerk Tegele, woë hae vice-veurzitter is.

 

 

 adj 2uitklein

 

Ouch zien twië adjudante kenne ’t klappe van de zjweep. In 2014 woorte zeej met eur maedjes gekaoze toet gangmaekers van d’m Boereraod. Mark en Daisy in de rol van boérebroédspaar met John en Nikki as eur getuuge. Binne de vastelaovend oppe Hei zien zeej nag altiéd zier aktief. De broéd en broédegom van vief jaor truuk make same deil oét van de Raod en Damesgarde van d’m Boereraod. Mark is ouch nag veurzitter van de kemmissie Bals & Boerebroelof en lid van de PR-kemmissie. In ’t dageliks laeve is hae meiwerker resepsie & beveiliging beej TBS-kliniek De Rooyse Wissel in Oëstrum. Same met Daisy en eur kinger Meike (10) en Minou (8) woënt hae oppe Landweer in ‘t ‘boéreriék’.

 

 

 

 adj 1uitklein

 

 

Ouch John is eine boer in hert en niere, aad-raodslid en nag aktief beej de technische kemmissie en de jeug van d’m Boereraod. De prins haet hae liere kenne beej de brangkwaer, woë zeej allebei van eur hobby eur beroep hebbe meuge make. En ouch hae en Nikki zien gruëtse elders van twië kinger, Quinn (8) en Luna (6). Hoéze Janssen sjteit oppe Wilgensjtraot in Tegele-Noord. Vermeldenswaerd is nag det hae as lid van ’t team Same vur Palliatief met Pinkstere deil nimp aan de Roparun, de langste estafetteloup taenge kanker in gans Europa.

 

 

 

 

 


De prins en adjudante zien vastelaovesvierders van ’t zuuverste (blös)water en al hiel get jäörkes kammeräöj. Danny en Mark kenne zich al vanaaf de liëgere sjoel en de vrindsjap tösse de adjudante is óntsjtaon beej de danssjoél in ’t Zaelke. Eure druim öm met z’n dreeje nag ens veurop te gaan in de vastelaovend, wuúrt dit jaor wörkelikheid beej de Beerpiëp.

 

De liéfsjpreuk van prins Danny I en zien adjudante John en Mark is:
’t is Vastelaovend van Sjteyl wies oppe Hei, höf det glaas en vier met ós mei!

 

 triometpartner

Foto's: Bart Douben

 

carvaljo

 

 Correspondentieadres:       Aangesjloate beej 
        BCL
Stationsstraat 2A   Privacy Verklaring  
5935 RA Steijl   Protocol gebruik beeldmateriaal, website en social media
T: 077-3733163       
E: info@debeerpiep.nl   © V.G. De Beerpiëp 2019