Wij gebruiken cookies om er voor te zorgen dat onze website zo goed mogelijk functioneert.

Als u de browser instellingen niet wijzigd, gaan wij er vanuit dat u hier mee instemt.

Ik ga akkoord

raojfoto klein

John     Prins Erik I     René

raojfoto jeugklein

Prins Noah I         Levi       Dyaro

Jeugtrio - ’T zit in de femielie

Alle boereproteste van aafgeloupe jaor ten sjpiet krope dees jónges neet op euren trekker öm naor ’t Malieveld in Den Haag te gaon of heej en daor de waeg te blokkere. Zeej heelde ’t nao dé vraog van Beerpiëpjeugvors Vince doeënder beej hoes en sjpronge op de vastelaoves-expres door Tegele.

 

prinsgroot

Op d’m boek van dae vastelaoves-expres zit dit jaor de 18-jäörige Prins Noah I. Hae is de zoon van René Janssen en Wendy Janssen-Hoeben en broor van Kaela, same woeëne ze in ’t Maasveld. Noah volg de opleiding coördinator beveiliging op het ROC Nijmegen in Boxmeer. As hae neet mèt zien sjtudie of ein van zien vuuele hobby’s bezig is, verdeent hae zich eine cent naevembeej in Bekkerie Ewals (De Böl). Det vastelaovend beej Noah daor de aore sjtruimp haet hae laote blieke beej de jeug van d’m Boereraod. Maar ouch blauw blood sjtruimp, hebbe we ierder gezeen, waor ’t neet gaon ken. Naodet ziene opa Sjraar Hoeben, besjermhieër van d’m Boereraod, in 2011 de hoeëgste óngersjeiing van vg De Beerpiëp, De Pannekletser, haet meuge ontvange, velt nów ziene kleinzoon de hoeëgste ieër beej de jeug ten deil, ’t meuge veurgaon as jeugprins.

Adjudant ein is Levi Schrijver, net wie de prins 18 jaor. As zoon van Louis Schrijver en Patricia Schrijver-Hoeben woeënt hae same mèt zus Tessa baove oppe Hei. Levi volg net wie d’n hoeëgheid ein opleiding coördinator beveiliging aan ’t ROC Nijmegen en det kump good oet in zien baantje beej Special Security Group (SSG). As hobby duit hae gaer sjporte en ‘n (poker)kaertje legge mèt zien kammeräöj. Ouch hae lierde ’t klappe van de vastelaoveszjweep beej jeug van d’m Boereraod ad1groot
 ad2groot Adjudant twieë, de 16-jäorige Dyaro Jansen mak ’t jeugtrio van 2020 compleet. Mèt zien elders, Richard Jansen, Debbie Jansen-Hoeben en zuske Djarah woeënt hae op Sjteyl. Dyaro zit op ’t Blariacum College waor hae ein opleiding kader D-P volg. Dyaro trap gaer taege ’n belke beej Spc. Irene, de contributie verdeent e zich beejein beej Albert Heijn in Tegele. Verder duit hae ónger angere nag gaer visse en ’n kaertje legge.
Ge zeet det d’n roeie en verbingenden draod in dit verhaol de naam Hoeben is, daormei zit ’t dus ech in de femielie. ‘T trio zien achternaefkes van ein, de moders elkaars nichjes en eur opa’s breurs, gewoeën öm ’t mekkelik te haje.
Ömdet ’t Beerpiëp Jeugtrio 2020 in alle deile van Tegele woeënt is ‘t motto det ze hebbe gekaoze öm de vastelaovend in te gaon ein bizónger gójje keus want:

In Tegele, Sjteijl of oppe Hei, det is ós öm ’t aeve,
Zoeë lang weej maar mèt uch dae vastelaovend kenne belaeve!

triometpartner
 
Ewals RBtransport Reiki
tatoo Plus Verbeeten 3 in 1 sponsorlogo
 Correspondentieadres:       Aangesjloate beej 
        BCL
Stationsstraat 2A   Privacy Verklaring  
5935 RA Steijl   Protocol gebruik beeldmateriaal, website en social media
T: 077-3733163       
E: info@debeerpiep.nl   © V.G. De Beerpiëp 2020