Wij gebruiken cookies om er voor te zorgen dat onze website zo goed mogelijk functioneert.

Als u de browser instellingen niet wijzigd, gaan wij er vanuit dat u hier mee instemt.

Ik ga akkoord
  • Trio2020
  • Trio2020.1
  • Trio2020.2
  • Trio2020.3
  • jeugstadhoes
  • interne2019

raojfoto klein

John     Prins Erik I     René

raojfoto jeugklein

Prins Noah I         Levi       Dyaro

In Memoriam - Twan Driessen (1948-2022)

 D'm Bekker. Eine naam dae ónlosmakelik is verbónge met Vastelaovesgezelsjap de Beerpiëp. Ein coryfeej in de Tegelse vastelaoveswaereld met 'nne haos monumentale sjtatus. Zoë zulle weej um ouch in herinnering haje. Want Twan Driessen, D'm Bekker, is neet mier ónger ós. Eine daag nao ziene 74ste verjäördig is hae op dinsdig 30 augustus euverleje. Neet te bevatte wie sjnel det hae 't laeve los haet mótte laote.


geertgeurts1Diék twieje decennia waas Twan 't gezich van de Beerpiëp. Maar feitelik kós zoe-get idderein in Tegele en Sjteyl um lang daoveur al. Öm de simpele raeje det hae jaorelangk beej hiel vuúl minse euver de vloer of in idder geval aan de deur kwaam met broëd en banket. Ein ganse generasie is met um opgegreujd, letterlik en figuurlik. Want zien klante, en ouch eur al wat ajere kinger, trof hae in 't weekend ouch nag ens in 't Tegelse oétgaonslaeve.

In 1985 waas Twan den ouch met rech de prins van iddere Tegelse mins. Det de Beerpiëp um daonao nimmer leet gaon, waas al aeve veur de hank liggend as zien oétverkezing. Met zien enorme sosjale netwerk waas hae dé aangeweze man öm nao ziene eige opvolger op zeuk te gaon. In die rol haet Twan zich mier as 'n kwart ieuw bezónger verdeenstelik gemak. Hae kwaam vuúl ónger de minse, had altiéd de ouge en oëre aop en daobeej eine good óntwikkelde 'prinse-radar' as extra zintuúg. Zoe is 't um gelök de Beerpiëp maar leefs 26 kier aan 'nne nieje hoëgheid te helpe! Jiddere Tegelse jóng wis metein wie laat 't waas as hae door d'm Bekker woort aangesjpraoke.

Ouch in 't aopenbaar waas Twan lange tiéd 't boegbeeld van ós gezelsjap. In 1997 woort hae toet veurzitter gekaoze. Met d'n hamer haet hae gezjweijd wies 2007. Met de bel aevel nag vuúl langer. Zoelang Twan mei op paad ging, kwaam de Beerpiëp noeits örges ónopgemerk binne. En waas 't neet 't van wiéd aaf herkinbare geklingel det zien kóms en die van ós gezelsjap aankondigde, den wal de zeute roukpluúme van zien ónaafsjeidelikke piép!

De bel bliéf noow sjtil, de rouk is vervlaoge, zien geleefde greun-en-wit hingk halfsjtok. Met Twan verleere weej eine markante, door vuúl minse geleefde mins met ein werm kloppend vereinigingshert. Veur zien enorme verdeenste is hae in 2009 ge-iérd met de Pannekletser, ós hoëgste óngersjei-ing. Wies op 't allerlets tuënde hae zich betrokke beej zien Beerpiëp, ouch al kós hae door gezónkheidsprobleme neet mier altiéd euveral beej aanwezig zien. Weej misse um noow al.

 Correspondentieadres:       Aangesjloate beej 
        BCL
Stationsstraat 2A   Privacy Verklaring  
5935 RA Steijl   Protocol gebruik beeldmateriaal, website en social media
T: 077-3733163       
E: info@debeerpiep.nl   © V.G. De Beerpiëp 2021