40ste Pannekletser vur Jeanne van der Velden
De Pannekletser, de hoëgste óngersjei-ing van vastelaovesgezelsjap De Beerpiëp oét Tegele, is dit jaor toegekind aan Jeanne van der Velden-Leenen. Det is tradisjoneel op de ‘elfde van de elfde’ veur aanvang van ’t insjete van de vastelaovend door de Beerpiëp bekind gemak.
De oetreiking zal op zaoterdig 25 januari plaatsvinge in kultureel centrum D’n Haandert in Tegele.
Jeanne van der Velden wuurt gehöldig vanwaege eure breije maatsjappelikke inzet en betrokkenheid. Zeej is ónger mier veurzitter van Ziekentriduüm Steyl, oprichtster van ‘t CDA Vrouweberaad Tegelen, mei-oprichtster van Sjlachtofferhölp Noord- en Midde-Limburg, aad-besjteurslid van tennisklöp TLTC en vanaaf 2001 als vreejwilligster aktief in het Toën Hermans Hoés in Venlo. Vur eur talriéke verdeenste óntving de laureate iérder een keuninklikke óngersjei-ing.
