BP Trio 2018

bedankt low

Bart         Stevie I          Randy

Evenemente

BP Jeugdtrio 2018

foto jeug trio

Sander     Lino I     Martijn   

't nieje Piepke is oét !

Op 7 januari is op zón 8000 adresse in Tegelen en Steyl het nieje Piepke op de deurmat of in de breevebus gevalle.
In de 35ste oetgaaf van ós vastelaoveskrant wuuert ouch dit jaor ‘t programma van de Beerpiëp gepresenteerd en in waord en beeld truuk gekeke naor de hoëgtepunte van het vurrig sezoen.

Mèt uch wiekbös naor seniorezitting Witte Hoes

De seniorezitting in ‘t Witte Hoes is ouch dit jaor lieëgdrempelig van opzet. Vur 3 euro biede de sjtichting VAT en vastelaovesgezelsjap De Beerpiëp in samewerking mèt Tzorg op vriedig 9 februari wir twieë eurkes topvermaak, mèt van 12.30 toet 14.30 oor optraejes van Trio de Janeiro, Sylvia Ramakers (buut), Gé Deenen, ‘t duo Bart en Karen en Joekskoeer Toujours.

Jan Kuntzelaers beneump toet ieërelid

Beej vastelaovesgezelsjap de Beerpiëp waas de beneuming van aad-vors Jan Kuntzelaers toet ieërelid ‘t hoeëgtepunt van de fieësaovend waor mèt op 18 november ‘t sezoen in besjlaote krink woort geäöpend.

Jan Kuntzelaers, in de jaore 70 en 80 ‘t boegbeeld van de vereiniging, is 44 jaor lid van De Beerpiëp en haet zich in de vurbeeje decennia op vuuel fronte verdeenstelik gemak vur de vereiniging. Zoeë waas hae mede-gronklegger van de Beerpiëpkrant, ‘t huidige Piepke, waorveurr hij sjtad en lank aafsjtruinde öm advertenties te werve. Beej zien aafsjied as vors kreeg hae d’n ieëretitel ‘Groeëtvors’.

Beerpiëp sjtop mèt Maedjeszitting

Nao ruum ‘ne kwart ieëw velt ‘t dook vur de Maedjeszitting van de Beerpiëp. Naodet inkele jaore ierder de pronkzitting al vanwaege truukloupende belangsjtelling en hoeëge onkoste woort gesjrap oet ‘t programma, verdwient öm dezelfde raejene nöw ouch de zitting vur vrouwe. Poginge öm dees traditie te behaje door vur eine mieër eigentiedse opzet te keze, bleke jaomer genóg vergaefs.

‘D’n Opstaeker 2018’ ein ôntwerp van Martijn Somhorst

Martijn Somhorst, beroepsmatig werktuigbouwkundige, haet veur de kômmende vastelaovend ‘d’n Opstaekerᵀᵐ 2018’ ôntworpe. Names de Keieschiéters had Vors Frans Cup dit jaor de iër um eine kunstenaer veur te drage oét naam van alle viéf de stadsdeilvereniginge. Somhorst veulde zich hiél veriérd. “Ik vind ‘t erg leuk dat ik de viertiénde Opstaeker heb meuge ôntwerpe. Ik heb dreej ôntwerpe gemak”. Oétintelik hebbe de Vorste van Jocus, de Wortelepin, D’n Oeles, de Belhamels, en de Keieschiéters gekaoze veur ein rônd ôntwerp mit daorin ein narrekop mit verschillend gereidschap en ôntwerpmateriaal. ‘’t Idee is dat dit ‘t same bouwe aan de vastelaovend symboliseert, aldus Somhorst.