Luc Beurskens nieje jeugprins Beerpiëp
De 16-jäörige Luc Beurskens is de 8ste jeugprins van de Beerpiëp. Zien adjudante Juul Propst en Luuk van Rhee, ouch allebei 16, make het nieje trio kompleet.
Beerpiëp Jeugprinsematinee waek iérder!
|
Daags nao de ónthölling van ’t Beerpiëp Trio 2019 gaon weej loestig wiér met ós Beerpiëp Jeug Prinsematinee. Dao wuúrt bekind gemak wae as 8ste Trio de opgesjaote jeug van Tegele, Sjteyl en de Hei meuge veurgaon in de vastelaovend. Det gebeurt dus ’n waek ierder as veurgaonde jaore! Met meziék van DJ Albi en ’n optraeje van Sandra & Marco belaof ’t wir ‘nne supergezellige middig te waere in d’n Haandert. Ouch traejt de showdansgroep van d’m Boereraod op. Dus bön d’r beej op zóndig 3 februari! De zaal geit um 15.30 oor aop, ’t programma sjtart um 16.00 oor en ’t oétrope van ós nieje Jeugtrio is um kloksjlaag 16.41 oor ofwaal ellef euver half viéf. Entreej gans vur nop! |
|
Wae wuuert ut Beerpiëp jeugtrio 2019 ?
Wat ’n plaetje hé! Dit zien de jonges die sjtaon te trappele öm zich op 3 februari beej ós groeëte jeugprinsematinee in d’n Haandert aan uch veur te sjtelle.
Dreej kammeräöj die ’t mèt z’n alle gaon doon vur de Beerpiëpjeug de kómmende vastelaovend. As zeej neet weite wie vastelaovend gevierd mót waere, den weite weej ’t ouch nimmier.
In ’t ABN zól ’t zien: éen trio om U tegen te zeggen!’ Zeej weite, dinke we, wat eur te wachte sjteit en waere bijna tuureluurs ömdet ‘t nag neet zoeë wied is. Mesjien is det waal genetisch bepaold en lig det aan eur X of Y chromosoom. Zeuke we nag oet. Wilt geej aevel weite wae zeej zien, den klum zondaag d’n derde in de bein, den kómme we in d’n Haandert beejein.
